Gördüler kat kat cefâ vü cevr eder gerdûn bana
Anın-içün başladı alçaklığa her dûn bana
Mihnetinden sanma rû-gerdân olam ey müdde'î
Mihnete râhat ecirdir bu yeter mazmûn bana
Rûy-ı zerdim görücek cânâ bozulsa gam değil
Sûreti yokdur mukâbil olmağa altun bana
Hecr-i la'linle belâ küncünde ahvâlim görüp
Kanlar ağlar gam şebinde dîde-i pür-hûn bana
Ey Süheylî herkese zevk ü safâ bahş eyleyen
Eylemiş derd ü belâ vü mihneti makrûn bana
