Bâl açıp uçmak diler dil kûy-ı cânândan yana Meyl eder gül şevkine bülbül gülistândan yana

Bâl açıp uçmak diler dil kûy-ı cânândan yana
Meyl eder gül şevkine bülbül gülistândan yana

Râst söyle zülfü kaddim ey Sabâ dâl etdiğin
Doğrulup varırsan ol serv-i hırâmândan yana

Gamzesi cân kasdın etse hançer-i müjgân ile
Yan basar zülf-i siyâhı âh o fettândan yana

Vesme-i nâz ile pür-hâl olsa ol meh-rû n’ola
Cem' olur pervâneler şem'-i şebistândan yana

Ey Belîğî ol mehi görsen kemâl-i hüsn ile
Dahi kılmazdın nazar mihr-i dırahşândan yana

* * * * *

Fâ'ilâtün Fâ'ilâtün Fâ'ilâtün Fâ'ilün